PREVES

Namenowgh bardhonieth a skrifav, ha dre vras rag hwarth. Nans yw nebes dydh, yth esen vy ow kewsel gans koweth neb a skrif y honan bardhonieth yn sad, ytho y helghis rag may trofyiv nebes vyth a’m oberennow vyvy.

Ha bos [pas pas…] nebes termyn a-dhia ow diwettha postyans, an huni ma, hag yw (dell dhismygav) a-dro dhe skriflett, a heveli bos dewis gwiw dhe gevradna rag dalleth arta treylya an ros.

Preves

Ow lappya ow diwveus – prederav!
Parys dhe skrifa, parys dhe leski,
Pluven y’m dorn,
Pythyon war voos,
Oll restrys, kettuel,
Pandr’ello kabm?

Ow talleth dhe skrifa
Ow brys-vy a deudh
An geryow ma yw preves!
Pythyonennow a godh
War-leur; war an delyow
Preves-del; y’m brys leyth
Preves-dor.

Preves da!

 

 

 

Erthyglow a-dhiwedhes

Kovskrifennow

Bydh an kynsa dhe gampolla

Daslever

Ny vydh dha drigva ebost dyllys.